الصيدلي المصري

منتدي يشتمل علي العلوم الصيدليه والعلوم الحديثه والاسلاميات


    الدراسات العليا بالخارج

    شاطر

    Admin
    Admin

    المساهمات : 100
    تاريخ التسجيل : 31/03/2010

    الدراسات العليا بالخارج

    مُساهمة  Admin في الأربعاء مارس 31, 2010 3:32 pm

    السلام عليكم و رحمة الله و بركاته

    هذا الموضوع قمت بكتابته ابتغاء وجه الله تعالى و أرجو ممن سيستفيد من هذا الموضوع أن يدعو لي بالخير في الدنيا و الآخرة و لو حد هينقلو لمنتديات تانية يذكر المصدر و جزاكم الله كل خير
    موضوعي سيفيد من يريدون تكملة دراستهم في الخارج (أقصد هنا أوربا و أمريكا و آسيا و استراليا)

    بمعنى آخر الحصول على الماجستير و الدكتوراة من خارج مصر
    ده طبعا موضوع مختلف بعض الشيء عن السفر من أجل العمل كصيدلي في أوربا أو أمريكا أو الهجرة إلى هذه البلاد.

    الموضوع مش سهل و مكلف ماديا و بياخد وقت و مجهود و حرق أعصاب و ممكن واحد يقدم سنة و يتقبل و ممكن يقدم سنة و اتنين و تلاتة لغاية ما يتقبل
    كله توفيق من عند الله
    ياريت يكون تقديرا امتياز بس على فكرة الجيد جدا بيمشي بردو
    ----------------------------------------------------------------------------------

    نتكلم الأول عن الامتحانات المطلوبة لاستكمال الدراسة في الخارج
    أول امتحان هو امتحان ال
    TOEFL-IBT
    Test of English as a Foreign Lang uage -internet based test
    و الامتحان ده لإثبات القدرة على التحدث باللغة الانجليزية
    كل جامعة لها شروطها في الحد الأدنى من الدرجات لاجتياز هذا الامتحان أعتقد إنها بتتراوح من 80 إلى 100
    درجة الامتحان 120 متقسمة على 4 أقسام
    reading,listening,speaking,wri ting
    بعض الجامعات تطلب حد أدنى من الدرجات في كل قسم على حدى
    الامتحان ده ضروري للتقديم لأي جامعة في العالم يكون التدريس فيها بالانجليزي
    فيه امتحان تاني شبية باللتوفل إسمه ال
    IELTS
    International English Lang uage Testing System
    ممكن بردو تأخذه بدل التوفل
    أنا معرفش تفاصيل كتيرة عنه لأني امتحنت التوفل و بردو الجامعات ليها حد أدني للامتحان ده بيختلف من جامعة للتانية

    طيب نتكلم بالتفصيل عن الامتحان ده

    إزاي تقدم على الامتحان؟
    فيه طريقتين:
    الأولى إنك تروح لمركز إسمه الAMIDEAST هو في 23 شارع مصدق الدقي و تطلب التقديم لامتحان التوفل العالمي مش المحلي بتدفع حوالي 1000 جنيه و بعدين هم بيقدمولك على الامتحان و يدفعولك الفلوس.
    فيه مراكز تانية زي YAT بتاع كورسات الكمبيوتر بردو بيقدم نفس الخدمة في فروع كتير زي في مدينة نصر و الميرغني
    الطريقة التانية و الطريقة دي الأرخص و الأسهل
    انك تعمل account على الموقع الالكتروني للتويفل [وحدهم المديرون لديهم صلاحيات معاينة هذا الرابط]
    و في الاكونت تكتب عنوانك و الرقم البريدي لمنطقتك و تتأكد إنهم صح (يستحسن تروح لأقرب مكتب بريد عندك و تسألهم إيه هو الرقم البريدي لمنطقتي لو حد عايز يبعتلي جواب من برة مصر أو تعرفه من الموقع ده بس هتتعب شوية في التدوير [وحدهم المديرون لديهم صلاحيات معاينة هذا الرابط] p.asp )و إسمك يكون مطابق لإسمك في الباسبور
    لو اسمك مثلا محمود صابر محمد حسين
    First name: Mahmoud
    Middle name: saber Mohamed
    Last name: Hussein

    كده اسمك هيظهر في الاكونت Mahmoud Saber Mohamed Hussein
    تختار البلد و تختار إنك عايز تقدم على الامتحان
    هيظهر قدامك المواعيد المتاحة تختار المعاد اللي يناسبك
    هتلاقي يظهر عندك الاماكن المتاحة (هتلاقي أماكن كتيرة في مصر ممكن تمتحن فيها غير اللي أنا ذكرتها فوق زي الجامعة الكندية مثلا و مراكز تانية كتير) اختار المكان اللي يناسبك و قريب منك
    هتختار بعد كدة 4 جامعات عايز تبعتلهم النتيجة بتعتك ببلاش
    كل جامعة ليها الكود بتاعها و كل كلية في الجامعة ليها كود داخلي و ممكن تلاقي القسم اللي انت مقدم عليه ليه رقم تاني . الارقام دي ممكن تعرفها من اللنك ده بس الأحسن تعرفها من موقع الجامعة اللي عايز تقدم عليها
    [وحدهم المديرون لديهم صلاحيات معاينة هذا الرابط] ets/menuitem.1488512ecfd5b8849 a77b13bc3921509/?vgnextoid=e1a 72d3631df4010VgnVCM10000022f95 190RCRD&vgnextchannel=80f2197a 484f4010VgnVCM10000022f95190RC RD
    نيجي بقى للدفع؛ هتدفع 150 دولار (طبعا أقل بكتير من اللي هتدفعه بالطريقة الأولى) عن طريق بطاقة الائتمان بتعتك و بعدها هيتبعتلك ميل و هيظهرلك صفحة اطبع أي واحدة فيهم عشان دي بتثبت انك دفعت فلوس الامتحان
    طبعا هييجي واحد يقوللي معنديش بطاقة ائتمان ؛ الحل إنك تعمل واحدة
    إزاي:
    أنا مش بعمل دعاية بس أنا هشرح أنا عملت إيه؛ تروح لأقرب فرع للبنك العربي الأفريقي يكون بيقدم خدمة كروت الائتمان الموقع ده فيه الفروع بس معرفش أنهي فيهم اللي بيقدم الخدمة
    [وحدهم المديرون لديهم صلاحيات معاينة هذا الرابط] us/branches.aspx.
    تطلب كارت انترنت و بتدفع 10 جنية للكارت و بتملا بيانات شخصية تفصيلية
    و تديهم الفلوس اللي عايز تحطها في الكارت يعني الامتحان ب150 دولار حط مثلا 900 جنيه ؛الكارت بيتعمل في أسبوع بالكتير. بعد أما تستلموا اتصل بيهم بالرقم السريع بتاعهم 19555 و اطلب تنشيط كارت الائتمان بتاعك
    و بكدة تقدر تدفع الفلوس للامتحان
    و أنصح بعمل الكارت ده في كل الأحوال سواء هتدفع بالطريقة الأولى أو التانية لأن كل المراسلات للجامعات هتحتاج تدفع رسوم للجامعة و الرسوم دي أسهل طريقة للدفع هتكون بكارت الائتمان
    لو حد عايز يعمل في أي بنك تاني مفيش مشكلة بس البنك ده الخدمة فيه محترمة جدا و بيردوا 24 ساعة فممكن تتصل بيهم في أي وقت و تعرف فاضل قد إيه في حسابك أو اتسحب من الكارت قد إيه فلوس
    طيب تستعد للامتحان إزاي:
    الامتحان مش صعب بس محتاج تستعد ليه عشان متتفاجئش لما تدخل الامتحان
    الامتحان على فكرة 4 ساعات و نص و فيه راحة 10 دقايق في النص ممكن تاكل فيهم حاجة ترجعلك الجلوكوز في دماغك
    ممكن تستعد للامتحان بأنك تاخد كورس في الAMIDEAST لمدة شهر و ثمنه حوالي 1000 جنيه(فيه امتحان دخول الأول ب50 جنيه) و بعدها تدخل الامتحان على طول و ممكن تذاكر مع نفسك لمدة شهر أو شهرين بالكتير و تجيب درجة كويسة و أنا أعرف ناس ذاكرته في أسبوع
    الموضوع يعتمد على مستواك في اللغة الانجليزية
    أعتقد فيه بردو كورسات في الجامعة الأمريكية بس معرفش تفاصيل عنها بصراحة
    أنا عندي DVD كنت مجمع فيه كل الكتب و البرامج اللي تحتاجها للاستعداد للامتحان و أنا لم آخد الكورس بس استفدت من واحد أخد الكورس
    الDVD هرفعه إن شاء الله كمان شهرين بس ممكن أديكم لنكات لبعض الكتب اللي هتفيد جدا في الاستعداد للامتحان
    كتاب لونج مان و ده اللي بيشنغلوا منه في أمد إيست
    the book (47 MB)
    [وحدهم المديرون لديهم صلاحيات معاينة هذا الرابط] 4437370/LIBT.rar
    CD-ROM
    [وحدهم المديرون لديهم صلاحيات معاينة هذا الرابط] 8691/LongMan_TOEFL_iBT.part1.r ar
    [وحدهم المديرون لديهم صلاحيات معاينة هذا الرابط] 8695/LongMan_TOEFL_iBT.part2.r ar
    [وحدهم المديرون لديهم صلاحيات معاينة هذا الرابط] 8696/LongMan_TOEFL_iBT.part3.r ar
    [وحدهم المديرون لديهم صلاحيات معاينة هذا الرابط] 8692/LongMan_TOEFL_iBT.part4.r ar
    KEY from BOOK
    Toefl iBT Answerkey (pp. 619 - 640) pdf, 8 Mb:
    [وحدهم المديرون لديهم صلاحيات معاينة هذا الرابط] lonkey619-640-rar.html
    or
    [وحدهم المديرون لديهم صلاحيات معاينة هذا الرابط] 375936/LonKEY619-640.rar
    Audio CD (mp3, 160 kbps)
    [وحدهم المديرون لديهم صلاحيات معاينة هذا الرابط] LM-iBT-CD1.ZIP
    [وحدهم المديرون لديهم صلاحيات معاينة هذا الرابط] LM-iBT-CD2.ZIP
    [وحدهم المديرون لديهم صلاحيات معاينة هذا الرابط] LM-iBT-CD3.ZIP
    [وحدهم المديرون لديهم صلاحيات معاينة هذا الرابط] LM-iBT-CD4.ZIP
    [وحدهم المديرون لديهم صلاحيات معاينة هذا الرابط] LM-iBT-CD5.ZIP
    [وحدهم المديرون لديهم صلاحيات معاينة هذا الرابط] LM-iBT-CD6.ZIP
    [وحدهم المديرون لديهم صلاحيات معاينة هذا الرابط] LM-iBT-CD7.ZIP
    [وحدهم المديرون لديهم صلاحيات معاينة هذا الرابط] LM-iBT-CD8.ZIP
    or
    [وحدهم المديرون لديهم صلاحيات معاينة هذا الرابط] 8970/LM-iBT-CD1.ZIP
    [وحدهم المديرون لديهم صلاحيات معاينة هذا الرابط] 8966/LM-iBT-CD2.ZIP
    [وحدهم المديرون لديهم صلاحيات معاينة هذا الرابط] 9014/LM-iBT-CD3.ZIP
    [وحدهم المديرون لديهم صلاحيات معاينة هذا الرابط] 9018/LM-iBT-CD4.ZIP
    [وحدهم المديرون لديهم صلاحيات معاينة هذا الرابط] 9019/LM-iBT-CD5.ZIP
    [وحدهم المديرون لديهم صلاحيات معاينة هذا الرابط] 8942/LM-iBT-CD6.ZIP
    [وحدهم المديرون لديهم صلاحيات معاينة هذا الرابط] 8940/LM-iBT-CD7.ZIP
    [وحدهم المديرون لديهم صلاحيات معاينة هذا الرابط] 8978/LM-iBT-CD8.ZIP
    فيه كتاب الETS (ده كده يعتبر زي كتاب الوزارة لما كنا في المدرسة و اللي فات زي الأضواء كدة)
    Book (pdf, 55 Mb):
    [وحدهم المديرون لديهم صلاحيات معاينة هذا الرابط] 158816/McGHl-TheOfGTOEFL2006.PDF.rar
    Audio mp3 64 KBs (35 Mb):
    part 1 & part 2
    or
    [وحدهم المديرون لديهم صلاحيات معاينة هذا الرابط] 153449/McGrH-TheOfGiBT_AUDIO_64KBs.rar
    الكتابين دول مع سي دي الامتحانات بتاع لونج مان كافيين جدا لدخول الامتحان
    فيه بعض الخبايا و حاجات الواحد المفروض ياخد باله منها في الامتحان بس ده ممكن أفرد له موضوع تاني للTOEFL بالتفصيل
    أهم حاجة تتدرب على جزء الspeaking كويس أوي لأنه يعتبر صعب عشان إحنا مش بنمارس اللغة في حياتنا اليومية فلازم تتدرب انك ترد على الأسئلة بطلاقة و إن شاء الله الموضوع بيمشي
    و الكتاب ده ممكن ينفع تاخد منه أفكار عشان كتابة المقال
    Sample Essays for the TOEFL Writing Test (TWE)
    [وحدهم المديرون لديهم صلاحيات معاينة هذا الرابط] ssay.questions-1411607740.pdf
    لو حد عايز أي كتب تانية للتدريب ممكن يجيبها من
    [وحدهم المديرون لديهم صلاحيات معاينة هذا الرابط]
    or
    [وحدهم المديرون لديهم صلاحيات معاينة هذا الرابط]
    النتيجة بتطلع بعد 3 أسابيع و بتظهر في الأكونت بتاعك
    و الجواب بتاع النتيجة بيجيلك حسب التساهيل من 20 يوم ل 3 أشهر على ما يجيلك و ممكن يضيع و ميجيش
    معظم الجامعات بتطلب النتيجة تتبعت عن طريق الETS يعني مينفعش تصور النتيجة و تبعتها بنفسك
    من الأكونت بتاعك بتطلب انت عايز تبعت فين (لو في جامعات تانية غير ال4 اللي ببلاش)
    و بتدفع على ما أتذكر 10 دولار عن كل مراسلة و الجواب بيوصل الجامعة على الأقل بعد أسبوع لو كان في أمريكا أما لو برة أمريكا فبياخد وقت شوية
    و طبعا تتابع مع الجامعة بالايميلات أو بالاتصالات إن الشهادة وصلت لأن ساعات بتضيع و تضطر تبعتها تاني أو تبعتلهم صورة (تكون عامل سكان للشهادة لما تجيلك بالبريد) و لو اتقبلت تبعتلهم الأصل
    --------------------------------------------------------------------------------------------
    نيجي على الامتحان التاني:
    هو امتحان الGRE
    تفاصيل الامتحان موجوده هنا:
    [وحدهم المديرون لديهم صلاحيات معاينة هذا الرابط]
    الامتحان ده مخصوص للي عايز يقدم في أمريكا و فيه بعض الجامعات في كندا و أوربا و اليابان بيطلبوه
    هو امتحان صعب و يحتاج مذاكرة حوالي 4 أشهر على الأقل لكي تحصل على درجة كافيه للقبول في جامعة محترمة
    الدرجة فيه من 1600 أعتقد انك تحتاج على الأقل إلى 1300 لكي ترفع من إمكانية قبولك و فيه جزء مقال تحتاج على الأقل إلى 4.5 من 6 لكي ترفع من إمكانية قبولك.
    فيه حالات اتقبلت بأقل من كدة و فيه حالات متقبلتش
    و لو مقدم على دكتوراة على طول(من غير ماجستير) محتاج درجة عالية من لو مقدم على ماجستير
    التقديم هيكون من الموقع بس في الحالة دي مفيش أكونت ؛ هتكتب بياناتك زي ما عملت في التويفل و تدفع الفلوس 170 دولار بكارت الائتمان بس مفيش غير مكان واحد تمتحن فيه و هو الAMID EAST
    بالنسبة للاستعداد للامتحان يستحسن تاخد كورس بردو ب 1000 جنية في AMIDEAST
    بيطلبوا كتاب الETS بتاع الGRE يكون معاك عشان بيشتغلو منه
    ممكن تلاقو كتب كتير للتدريب على نفس الموقعين بتوع التويفل
    و أنا رفعت كتب و برامج ممكن تنفعكم في التدريب على اللنك ده
    [وحدهم المديرون لديهم صلاحيات معاينة هذا الرابط]
    و الباسوورد: sayadla
    من الكتب المهمة كتاب Barrons
    لأن فيه أهم 3000 كلمة تعرفهم للGRE
    جزء الرياضيات تافه جدا إنما جزء الانجليزي هو الجزء الصعب من الامتحان و الأمريكان نفسهم بيعانوا منه
    لو حد عايز أي تفاصيل أكتر تبع الامتحان يسألوا هنا في الموضوع ده
    بالنسبة للنتيجة انت بتعرف نتيجة الجزء الإنجليزي و جزء الرياضيات في آخر الامتحان كل واحد من 800 و المجموع يبقى من 1600
    أما جزء المقال فبتعرفه لما النتيجة بتتبعتلك
    و في آخر الامتحان بيطلب منه 3 أو4 جامعات اللي تحب تبعتلهم نتيجتك ببلاش
    النتيجة بتتبعت بالبريد بردو في حدود شهر أو شهرين بس النتيجة بتطلع بدري عن كدة
    للأسف عشان نظام التقديم لل GRE عقيم فطريقة الحصول على النتيجة أكثر رخامة بس الحمد لله في طريقة حلوة لتفادي الصرف الكتير
    فيه نمرة مجانية في أمريكا عشان تعرف نتيجتك بتاعت الGRE بس انت بتدفع فلوس عشان تعرف نتيجتك عن طريق التليفون
    بص يا سيدي تنزل برنامج Skype من هنا
    [وحدهم المديرون لديهم صلاحيات معاينة هذا الرابط]
    رقم خدمة الGRE هنا
    1888473726700
    ميزة سكايب انه ممكن يتصل الأرقام المجانية مجانا من غير متحط رصيد فيه
    ممكن تجرب تتصل من باب التسليه عشان تتأكد من كلامي
    ياريت تتكلم من خط دي إٍس إل عشان الصوت ميقطعش أو الاتصال يقطع خالص
    فكدة تبقى تجنبت الاتصال الدولي و كل اللي هتدفعه هو فلوس طلب النتيجة
    يعني هيطلب منك تدخل أرقام الفيزا و كدة و بعدها واحدة بتقولك النتيجة في رسالة مسجلة و انت لسة على الخط
    و بردو لو هتبعت لجامعات غير ال4 اللي ببلاش هتحتاج تتصل على نفس النمرة و بتحط أكواد الجامعات اللي هتبعت عليها
    بما اننا جبنا في سيرة سكايب فبردو انت هتحتاج لما تبعت حاجتك للجامعات انك تتصل بيهم تتأكد إن الحاجة و صلت و تعرف ورقك وصل لغاية فين و كدة و النتيجة هتطلع امتا
    ميزة سكايب انك ممكن تتصل بمعظم دول أوربا (خطوط أرضية) و أمريكا و كندا(أرضي و موبايل) بحوالي 2.5 سنت في الدقيقة أعتقد ده أفضل من إنك تتصل دولي
    و لو فيه حد يعرف وسيلة أرخص و أحسن يشاركنا بيها
    طيب تحط فلوس إزاي؟
    طبعا هتستخدم الفيزا كالعادة بس المرة دي الطريقة مقرفة شوية
    هتعمل أكونت في موقع اسمه
    [وحدهم المديرون لديهم صلاحيات معاينة هذا الرابط]
    بعد كدة تدخل الأكونت و تدخل رقم الفيزا
    الموقع فيه سكيوريتي عشان يتأكد إنها الفيزا بتاعتك و إنك مش سارقها
    هيقولك أنا هسحب من الفيزا بين دولار و 2 دولار
    و دخل اتسحب منك كام
    تخليه يسحب من هنا و تقوم تتصل باللبنك تعرف اتسحب منك كام بالضبط بالدولار
    تدخل الرقم و ليكن 1.62
    متقلقش الفلوس دي مش هيكلوها عليك لأنها دخلت حسابك
    تسحب بقى 10 دولار أو 8.48 لو عايز يكون في الأكونت بتاعك 10 دولار بالضبط
    و هما بياخدو نسبة صغيرة زيادة حوالي 50 سنت على ما أتذكر
    تدخل على سكايب و تختار من أكونت إنك عايز تشتري كردت هتختار عن طريق موني بوكر
    بتتنقل أتوماتك للموقع و تدخل اليوسرنيم و الباسوورد و هتلاقي الموضوع مشي سلس
    هتيجي تبص على برنامج سكايب هتلاقي بقى عندك 10 دولار
    أسعار المكالمات لدول العالم موجودة هنا
    [وحدهم المديرون لديهم صلاحيات معاينة هذا الرابط] llrates/
    --------------------------------------------------------------------------------------------
    طيب نيجي للحاجات اللي ممكن تطلبها منك أي جامعة هتقدم لها
    لو فيه وثيقة بتصدر بالانجليزي مش محتاج تبعت معاها الأصل العربي
    أما لو مكتوب على الوثيقة إنها مترجمة من العربي لازم تبعت الوثيقة العربي كمان
    هيطلب منك الآتي
    1-بيان درجاتك transcript طبعا هتبعت بالانجليزي أفتكر بيكون مكتوب إنه مصدر مش مترجم فمش محتاج تبعت العربي
    2-الشهادة المؤقتة
    جامعات أمريكا بتطلب إن الجامعة تبعت الوثيقتين اللي فاتوا و طبعا ده مبيحصلش عندنا
    فبعد أما بتستخرجهم تروح لمكتب العميد و تخليهم يطبعوا على ظرف (عليه بيانات جامعتك كأنه جواب رسمي مبعوت من الجامعة) اسم و عنوان الجامعة اللي عتبعت عليها و تدخل الوثيقتين و تخلي العميد يختم على قفلة الظرف
    كأن الظرف مبعوت من الجامعة اللي انت كنت بتدرس فيها بس فعليا إن حتحط الظرف المختوم ده في ظرف تاني كبير مع الجاجات التانية اللي انت هتبعتها
    3-من 2 إلى 3 جوابات توصية recommendation letters من دكاترة تعرفهم و يعرفوك لأن في بعض الأحيان الجامعة بتتصل بواحد منهم عشان يتأكدوا إنك مش ضارب الشهادات
    إما إنك تكتب الجواب بنفسك يكون فيه نمرة موبايلهم و إميلاتهم و هما يقروا اللي انت كتبته و يمضوا يا إما هم بيكتبوه و يمضوا (طبعا يتكتب على الكمبيوتر)
    يكون في الورقة شعار الجامعة أو الكلية و كدة بحيث تبان إنها ورقة رسمية
    و تكتب عن نفسك كلمتين حلوين و ازاي ان الدكتور كان شايفك انك متفوق و متمكن من المجال اللي انت بتحبه و كلمتين حلوين كدة و متزودش عن صفحة
    و بعد أما الدكتور يمضي على الورقة تحطها في ظرف و تخليه يمضي على قفلة الظرف عشان يبان إنه هو اللي قفل الظرف بإيده
    فيه جامعات بتكون عندها فورمة لازم تستخدمها فممكن تملاها مع الدكتور أو لوحدك و ترفق جواب التوصية اللي فات بيها أو تنقل الكلام اللي في جواب التوصية و تحطه في الفورمة
    فيه جامعات كتير في أمريكا بتطلب إن الدكتور يملا جواب التوصية من النت و فيه جامعات بتديك الاختيار؛ في حالة النت فيه إيميل بيتبعت على إيميل الدكتور. الدكتور عن طريق الميل ده بيدخل على موقع تبع الجامعة و بيكتب جواب التوصية ممكن تقعد معاه أو تخليه هو يملاه بنفسه لما يجيله الإيميل
    4-فيه بعض الجامعات بتطلب نسخة من المناهج اللي درستها بالتفصيلSyllabus دي بتجبها من كليتك
    5-فيه جامعات بالذات في أوربا بتطلب شهادة تثبت انتهاء المرحلة الثانوية زي شهادة الثانوية العامة أو الIGCSE أو الدبلومة الأمريكية.
    أنا هتكلم عن شهادة الثانوية العامة عشان دي أنا اللي عملتها
    لازم تكون عارف رقم جلوسك و اسمك و سنة التخرج و مدرستك
    بتركب لمحطة مترو أنفاق السيدة زينب و تمشي كأنك رايح للنقابة ؛ متقفش عند دار الحكمة لأ كمل في الطريق كدة بتاع 200 متر و اسأل فين عمارة العرايس (اللي هي بتاعت شهادات الثانوية العامة)
    هناك بتطلب بيان نجاح عربي و انجليزي و بيان درجات عربي و انجليزي
    (بتطلب العربي لأن الانجليزي مكتوب عليه إنه مترجم من العربي) مش زي شهادة الكلية مكتوب عليها مصدر بالانجليزي(مش مترجم)
    بعد كدة بتملا شوية ورق
    الراجل هيرجعك تشتري 4 حوالات ثمنهم بين 8 إلى 8.5 جنيه غير الدمغات و تروحله تاني ياخد منك الحاجات دي .الشهادات العربي ممكن تاخدها في نفس اليوم بس هتتلطع كتير و الانجليزي بعد أسبوع.فروح خدهم كلهم بعد أسبوع
    6-فيه جامعات بالذات في كوريا و اليابان بيطلبوا يتأكدوا إنك من أب و أم غير كوريين أو يبانيين عشان حاجات ليها علاقة بالمنح
    البيانات دي هتلاقيها في شهادة الميلاد المترجمة من العربي؛تجيبها إزاي؟
    تروح لوزارة الصحة بشهادة الميلاد الأصل الكمبيوتر اللي طلعتها أكيد من القسم و أروح فين عشان أترجم الشهادة.لما توصل هناك
    هيدوك ورقة زي الفورمة تاخدها و تروح عند مكان اسمه الطبجي صعب أوصفلك هو فين بس هو 10 دقايق مشي من الوزارة و اللي يسأل ميتوهش هتدفع فلوس هناك عن عدد نسخ الشهادات اللي عايز تترجمها.هتدخل عند الراجل اللي قاعد على المكنة و تراجع البيانات معاه بعد أما يملاها .
    من البيانات اللي بتتملي؛ جنسية الأب و الأم و بكدة تكون أثبت بوثيقة رسمية جنسية الأب و الأم
    7-لازم هيطلب منك تكتب حاجة إسمها
    Motivation letter
    Or personal statement
    دي بتكتب فيها صفحة عن نفسك و عن طموحاتك في المستقبل و ليه اخترت الجامعة اللي مقدم عليها بالذات و ليه التخصص ده بالذات...إلخ
    8-فيه بعض الجامعات في أمريكا و أستراليا و نيوزيلندا بيطلبوا تعادل شهادتك و المواد اللي درستها بالشهادة الأمريكية أكتر مكانين بيطلب تعمل معادلة الشهادة عندهم هم
    [وحدهم المديرون لديهم صلاحيات معاينة هذا الرابط]
    [وحدهم المديرون لديهم صلاحيات معاينة هذا الرابط]
    ادخل المواقع دي هتعرف الورق اللي بيطلبوه عشان تعادل شهادتك عندهم
    لما تحب تبعت ورقك للجامعات وقت أما هتراسل يستحسن تبعت عن طريق الشركات المحترمة زي aramex,fedex,dhl,tnt
    و أرخصهم أرامكس و خدمتهم حلوة
    فيه بردو البريد المصري السريع كويس بردو و أرخص من كل اللي فاتوا
    و فيه
    middle east courier
    الفرع اللي أعرفه في سفير في مصر الجديدة
    حلو بردو و رخيص
    لو هتبعت لكذا جامعة في أمريكا و عندك حد هناك ممكن تبعتلو كل الأظرف على مرة واحدة و هو يبعتها داخلي بالبريد المسجل في أمريكا و بكدة هتكون التكلفة قليلة جدا جدا
    لأن انت المفروض تبعت لكل جامعة في أمريكا بعتتين
    واحد للكلية اللي مقدم عليها و واحدة لكلية الدراسات العليا اللي في نفس الجامعة اللي انت مقدم عليها(كل جامعة في أمريكا عندها كلية دراسات عليها)
    --------------------------------------------------------------------------------------------نيجي بقى للوقت اللي تراسل فيه
    أحسن معاد تراسل فيه هو في آخر السنة من أكتوبر كدة يعني مثلا انت بتراسل من أول أكتوبر 2009(كل جامعة ليها معاد بس تقريبا كلهم في حدود ال3 أشهر اللي في آخر السنة) عشان لو اتقبلت تبدأ الدراسة على سبتمبر 2010
    فطبعا لازم تكون ممتحن التوفل و ممتحن الجي أر إي(لو عايز تقدم في أمريكا) قبل الوقت ده بفترة كافيه و مجهز ورقك
    تقريبا كل جامعة تراسلها هتكلفك حوالي 500 جنيه
    --------------------------------------------------------------------------------------------
    طيب هتراسل أنهي كليات
    ده حسب التخصص اللي انت عايزه
    Biochemistry and organic chemistry and analytical chemistry and microbiology are in the faculty of science
    يعني هتراسل كليات العلوم لو عايز تخصص من دول
    Also there are biochemistry and microbiology and pharmacology in medical schools
    ممكن في طب
    medicinal chemistry,pharmaceutics,clinic al pharmacy,pharmacology in pharmacy
    و طبعا صيدلة
    biotechnology in biotechnology or faculty of science
    الكلام اللي فات ممكن يكون فيه اختلاف في التقسيمات من جامعة لجامعة و من بلد لبلد
    أنا بس اللي عايز أوصله إن المراسلة مش مع كليات صيدلة بس
    --------------------------------------------------------------------------------------------
    لو هتراسل أمريكا
    [وحدهم المديرون لديهم صلاحيات معاينة هذا الرابط] 05/04/us-news-best-graduate-pharmacy-programs-2008/
    اللنك اللي فات ده فيه ترتيب كليات الصيدلة في أمريكا
    قدم بقى حسب تقديرك و حسب درجاتك في التوفل
    معظم فرص الدكتوراة بتكون بمنحة يعني بتشتغل زي معيد كدة و بتاخد فلوس على الشغل ده بس طبعا لازم تجيب درجة عالية في الجي أر إي و درجة عالية في التوفل و بالذات في جزء التحدث عشان إنت هتتكلم مع الطلبة الأمريكان
    تقريبا الحد الأدنى إنك تجيب 23 من 30 في جزء التحدث هيختلف شوية من جامعة لجامعة
    فيه جامعات أمريكية قليلة بتدي منح في الماجستير فلو درجتك في الجي أر إي مش قد كدة ممكن تقدم فيها
    فيه ناس بتروح في الماجستير في جامعة أمريكية عادية يعني مثلا في الثلاثينات أو الأربعينات في الترتيب و يثبت نفسه و ييجي في الدكتوراة يروح جامعة في أول خمسة أو عشرة
    طبعا أنا هنا اتكلمت على كليات صيدلة أنا معرفش بقى ترتيب كليات العلوم في أمريكا مع الأسف بس أكيد مش هيكون مختلف كتير عن كليات الصيدلة
    للتقديم في باقي جامعات العالم ممكن تستعينوا بالترتيب العالمي للجامعات اللي موجود في الموقع ده
    [وحدهم المديرون لديهم صلاحيات معاينة هذا الرابط] N2008.htm
    و فيه كمان ترتيب حسب التخصص هنا
    [وحدهم المديرون لديهم صلاحيات معاينة هذا الرابط]
    اللي عايز يقدم ماجستير في أوربا ممكن يستعين بالموقع ده؛ لأنه فعلا موقع مفيد جدا
    [وحدهم المديرون لديهم صلاحيات معاينة هذا الرابط]
    فيه جامعات كتير في أوربا بتدي الماجستير بالانجليزي زي ألمانيا و السويد و هولندا و فنلندا و الدنمارك و انجلترا و سويسرا
    ده غير إن فيه بعض برامج الماجستير بيكون فيها منح
    فيه دول زي ألمانيا و السويد و سويسرا الدراسة فيها ببلاش يعني كل التكلفة هتكون تكلفة السكن و الأكل و الشرب فلو حد قادر ماديا على التكلفة لمدة الدراسة (سواء سنتين أو سنة) ممكن يقدم في البرامج اللي مش بتقدم منح للي بيتقبلوا
    فيه بردو بعض الجامعات في أستراليا و نيوزيلندا بتقدم منح في الماجستيرو الدكتوراة على ما أتذكر
    في كوريا الجنوبية إذا اتقبلت بتاخد منحة و المصاريف بتتشال و الدراسة بالانجليزي
    في اليابان فيه منح بردو
    فيه منح بتقدمها مصر زي
    [وحدهم المديرون لديهم صلاحيات معاينة هذا الرابط]
    كل سنة بينزل اعلان عنها بس دي لأمريكا بس و بتقدم ورقك كله عن طريقها و هي بتقدملك في جامعات أمريكا كلها على ما أتذكر
    وفيه موقع البعثات المصري ممكن ينفعكم بردو
    [وحدهم المديرون لديهم صلاحيات معاينة هذا الرابط] rants.jsp
    فيه حاجات حلوة
    و فيه بردو مؤسسة القلعة عشان لو حد اتقبل في جامعة و مجتلوش منحة هي بتديك منحة طوال فترة الدراسة بس لازم تكون مقبول في جامعة ترتيبها عالي
    [وحدهم المديرون لديهم صلاحيات معاينة هذا الرابط] .org/

    --------------------------------------------------------------------------------------------
    و أخيرا مش عيب انك تتقبل في الماجستير في جامعة نص نص في أوربا مثلا لأن الميزة إنك هناك بيكون عندك شبكة اتصالات كويسة تخليك في الدكتوراة إن شاء الله تروح في جامعة كويسة
    ضبط نيتك و انت بتقدم و حدد انت عايز تسافر ليه عشان ربنا يوفقك للي فيه الخير ليك
    اللي عايز أي تفاصيل تانية يبعت هنا في الموضوع ده بس أنا مش فاضي طول الوقت فممكن أرد كل فترة
    ياريت أي حد يستفيد من الكلام ده يدعيلي بأي حاجة حلوة

      الوقت/التاريخ الآن هو الأحد يوليو 22, 2018 11:59 pm